سيارات رينو

تحسنت كثير مع وكيلها الحالي "أفضلية الخليج" لكن للأسف مازالت القطع غالية والورش الي تصلحها في الصناعية قليلة وقطعها في التشاليح نادرة

لأصحاب الدخل المحدود لا أنصح بها لأن المغامرة صعبة ومكلفة وبيع السيارة ثقيل ومن الصعب تلاقي لها زبون

انصحك بالسيارات الموجودة بكثرة في الشوارع من الاكسنت واليارس والصني

هي اخت نيسان سنترا حتى نفس القير CVT
مدري عن حجم المكينه
بس قليل اللي يفكر فيها غير منتشرة و الوكيل له ٣ فروع بالمدن الرئيسية
شوف لك سنترا افضل او النترا لو موديل اقدم

واحد من الشباب اخذ وحده 
كل مايروح بنشر يغير زيت مايحصل فلاترها 
ف غير ٣ مرات بدون فلتر وهو بالخبر وماحصل محل قطع غيار 
مافي الا بالوكاله 
وبعد بحث حصلت له محل قطع غيار وشريت له فلاتر واسعارها كانت عاديه 

لكن المقصد من الموضوع ان حتى البناشر مايجيبون فلاترها 
ف موتر ماتحصله قطع وهقة 

الا اذا بتاخذها وتكون ماخذ لك كمية فلاتر ومخليها معك وكذا 

نصحيه اتركها فيه عيب مصنعي في القير يضرب

انا اعرف واحد معه ٢٠١٦ ماشيه ٨٠الف القير ضرب وقيمة القير بالوكالة ٢٧ الف يعني قيمة السياره جديده وشوف عند الورش اغلبها قير

فيها مشاكل في القير ، اللي هو قير من شركة نيسان .

جزاكم الله خيراً

كان معروض علي سيارة رينو فلوانس .. لكن مع نصائحكم .. رفضتها ..